Guð­mundur sár og reiður: „Hve­nær í ó­sköpunum er þeirra tími kominn?“

Guð­mundur Ingi Kristins­son, þing­maður Flokks fólksins, vakti at­hygli á stöðu ör­yrkja hér á landi í ræðu sinni á Al­þingi í morgun. Beindi hann orðum sínum að Katrínu Jakobs­dóttur for­sætis­ráð­herra í ræðu sinni og spurði hve­nær tími þessa fólks kæmi.

„25.000 milljónir tókst Sam­tökum at­vinnu­lífsins að kreista út með krókódíla­tárum. Á sama tíma voru 25 milljónir að skila sér í matar­að­stoð. Á sama tíma þurftu 50 manns frá að hverfa og fengu enga matar­að­stoð. Á sama tíma er fólk heima eftir tíu daga í mánuðinum matar­laust og getur ekki einu sinni farið í raðir,“ sagði Guð­mundur Ingi sem spurði Katrínu eftir­farandi spurninga:

„Er ekki kominn tími til að segja við þessa ein­stak­linga að þeirra tími sé kominn og þau eigi ekki að bíða lengur. Eða hve­nær í ó­sköpunum er þeirra tími kominn? Hann var ekki kominn í góð­ærinu. Er hann ekki kominn núna? Ég spyr: Er það virki­lega metnaður þessarar ríkis­stjórnar að verja þetta á­stand, verja það að fólk eigi ekki fyrir mat, að verja það að fólk þurfi að fara í bið­raðir eftir mat, að verja það að ein­hverjir séu heima og eigi kannski ekkert nema smá lýsi eða malt­dós í ís­skápnum?“

Guð­mundur spurði hvort ekki væri kominn tími til að þessir ein­staklingar fengju lífs­kjara­samning, þó ekki væri nema bara fyrir það.

„Hvers vegna í ó­sköpunum fær þessi hópur ekki lífs­kjara­samning eins og allir aðrir hafa fengið? Ef það stendur ekki til þá hlýtur ráð­herra að geta svarað því hvort það sé út af ein­hverju eða eru ekki til peningar? Ef við horfum á þetta í sam­hengi við það sem á að fara að eyða út af Co­vid eru það gífur­legir fjár­munir og 1–2% af þeim hljóta að geta farið í vasa hjá þessum ein­stak­lingum.“

Katrín Jakobs­dóttir þakkaði Guð­mundi Inga fyrir að taka málið upp en benti á að á þessu kjör­tíma­bili hefðu fram­lög til mál­efna ör­orku aukist úr 62 milljörðum að raun­virði í tæp­lega 80 milljarða. Þá hefði ríkis­stjórnin for­gangs­raðað í þágu tekju­lægri hópa.

„Ég vil nefna barna­bætur. Ég vil nefna breytingar á skatt­kerfi sem skila skatta­lækkunum fyrst og fremst til tekju­lægstu hópanna. Ég vil nefna greiðslu­þátt­töku í heil­brigðis­kerfinu sem við ræddum hér árum saman og höfum núna tekið stór skref til að draga úr kostnaði sjúk­linga í heil­brigðis­kerfinu, sér­stak­lega með á­herslu á ör­orku­líf­eyris­þega og aldraða. Tann­lækna­kostnaðurinn sem hafði ekki verið endur­skoðaður síðan 2004, þar var loksins gripið til að­gerða. Síðan vil ég nefna það síðasta sem lýtur að öldruðum, þ.e. nýjan við­bótar­stuðning til þeirra sem höllustum fæti standa í þeirra hópi. Hann byggir á mjög vandaðri vinnu sem unnin var með eldri borgurum við það að greina hverjir það væru sem stæðu vers,“ sagði hún og benti á að fyrsta verk nú­verandi ríkis­stjórnar hafi verið að hækka frí­tekju­mark vegna at­vinnu­tekna, ráðast í breytingar sem varða kostnað í heil­brigðis­kerfinu og núna síðast að koma með þennan fé­lags­lega við­bótar­stuðning

„Eftir stendur auð­vitað að ekki hefur verið gerð sú breyting á ör­orku­líf­eyris­kerfinu sem hæst­virtur fé­lags- og barna­mála­ráð­herra lagði upp með í upp­hafi kjör­tíma­bils. Ég tel mjög mikil­vægt að ráðist verði í slíkar breytingar til þess ein­mitt að við getum mætt þeim sem höllustum fæti standa innan þess kerfis.“