Guð­mundur Ingi: 426 þúsund krónur horfnar – „Hvaða rétt­læti er í þessu?“

„Við erum að tala um 426.000 kr. sem eru horfnar, bara vegna þess að þetta var ekki tengt við vísi­tölu. Hvaða rétt­læti er í þessu? Er þetta fyrir­fram­á­kveðið til að klekkja á þessum ein­stak­lingum eða er þetta hugsunar­villa sem þarf að leið­rétta?“

Þetta sagði Guð­mundur Ingi Kristins­son, þing­maður Flokks fólksins, í ó­undir­búnum fyrir­spurnar­tíma á Al­þingi í gær.

1,5 milljónir í stað 1 milljónar

Guð­mundur Ingi hefur talað nokkuð um verð­trygginguna að undan­förnu en í ræðu sinni í gær benti hann á að engin vísi­tölu­trygging væri á bíla­styrkjum sem fatlaðir geta nýtt sér. Svona hefði þetta verið lengi og um stórar upp­hæðir væri að ræða fyrir ein­stak­linga sem hafa lítið á milli handanna.

„Ef hún hefði verið vísi­tölu­tryggð ætti ein­stak­lingur í dag að fá 1,5 milljónir í stað 1 milljónar, hann getur ekki leyst út bílinn sinn til að fara í vinnu, til læknis eða annað. Hann er búinn að selja hinn bílinn. Ef vísi­tala hefði verið inni í þessu hefði hann átt fyrir því og ætti meira að segja hálfa milljón af­gangs sem hann hefði ekki þurft að nota.“

Guð­mundur Ingi spurði:

„Hvers vegna er það? Er það sam­þykkt að ríkis­stjórn eftir ríkis­stjórn á­kveði að þessir aðilar séu þeir einu sem fái ekki verð­tryggðar bætur? Milljón á verð­lagi ársins 2009 sam­svarar 1,5 milljónum í dag. Við erum að tala um 426.000 kr. sem eru horfnar, bara vegna þess að þetta var ekki tengt við vísi­tölu. Hvaða rétt­læti er í þessu?“

Gengisbreytingar, ekki verðbólga

Bjarni Bene­dikts­son fjár­mála­ráð­herra svaraði á þá leið að þetta væru ekki einu aðilarnir sem geta ekki gengið út frá því sem vísu að fjár­hæðir fylgi verð­lagi inn í fram­tíðina.

„Ríkið væri í vondum málum ef öll út­gjalda­hliðin væri verð­tryggð. Þá væri í raun og veru sjálf­virkur út­gjalda­vöxtur án þess að um það væri fjallað sér­stak­lega hér á þinginu,“ sagði Bjarni og bætti við að þetta á­lita­mál sé fyrst og fremst komið inn í um­ræðuna núna út af gengis­breytingum sem ekki hafa skilað sér út í verð­lagið.

„Það eru gengis­breytingarnar, ekki verð­bólgan, sem valda því að bílar eru að verða dýrari í inn­kaupum og styrkurinn dugar þess vegna hlut­falls­lega skemur á móti til­kostnaði við að út­búa þessar bif­reiðar. Það er alveg á­lita­mál að við getum látið það gerast í báðar áttir, bæði þegar gjald­miðillinn okkar er að styrkjast eða veikjast, að það séu svona sveiflu­kennt hvernig styrkurinn dugar hverju sinni til að mæta þeim kostnaði sem við erum hérna að reyna að hjálpa mönnum með,“ sagði Bjarni og bætti við:

„Ég held að það sé út af fyrir sig góð á­bending hjá hátt­virtum þing­manni að það hefur dregið mjög úr hlut­falls­legum stuðningi við þessi mikil­vægu kaup þeirra sem á þessu þurfa að halda. En það hefur ekki með verð­lagið að gera í mínum huga.“

Guð­mundur Ingi steig aftur í pontu og sagðist ó­sam­mála Bjarna.

„Ef þetta hefði verið verð­tryggt væri þessi maður ekki í þessari að­stöðu. Það er al­gjör­lega stað­reynd. Þess vegna er ó­skiljan­legt að það sé hægt að klippa verð­tryggingu út bara þarna,“ sagði Guð­mundur.