Guð­mund­ur í “boys only” hitt­ing­i með Samf­ó í morg­un: Allt ann­að en í gaml­a daga

Guðmundur Ingi Þóroddsson, formaður Afstöðu, félags fanga er meðal fyndustu samfélagsmiðlurum landsins, en hann heldur sig enn við Facebook ólíkt flestum húmoristum landsins sem hafa flutt sig á Twitter.

Guðmundur sagði því á Facebook síðu sinni í gærkvöld að hann hafi tekið þátt í “Boys only” hittingi á vegum úthringigengis Samfylkingarinnar. Tíu strákar hafi hisst í höfuðstöðvum flokksns til að hringja í félaga og taka stöðuna í politíkinni.

Guðmundur gekk nýverið til liðs við Samfylkinguna og gerði sér von um sæti á framboðslista flokksins í Reykjavík. Honum varð ekki að ósk sinni, þrátt fyrir gott gengi í skoðannakönnun á vegum flokksins. Uppstillinganefnd hafnaði honum vegna óvissu um kjörgengi en Guðmundur er tiltölulega nýlaus úr fangelsi eftir afplánun langs fangelsisdóms fyrir fíkniefnasmygl.

Guðmundur lætur ekki á sig fá þótt flokkurinn hafi hafnað kröftum hans sem stjórnmálamanns að sinni og tekur virkann þátt í starfi flokksins eins og færslan sýnir.

Einhver hugrenningartengsl hefur þetta vakið með Guðmundi sem rifjar upp „boys only“ kvöldin í denn, en Guðmundur er samkynhneigður og genginn út og giftur fyrir löngu.

„Mörg hundruð símtöl og skemmtilegt að taka þátt. Vissulega samt öðruvísi en “boys only” kvöldin í denn,“ sagði Guðmundur um strákastundir sínar.

Hvort hann var að tala um kósí kvöld eða einhverja undirheimastarfsemi lætur hann liggja á milli hluta en eftirlætur fylgjendum sínum að lesa milli línanna.