Lögmaður Guðmundar Guðlaugssonar hefur óskað eftir því að gert verði fjárnám hjá ríkissjóði Íslands. Það á nefnilega eftir að borga Guðmundi skuld. En Hérasðdómur Reykjavíkur kvað upp dóm í mars þess efnis að ríkið ætti að borga Guðmundi 23 milljónir króna í bætur.
Fréttablaðið greinir frá þessu og fjallar ýtarlega um málið.
Ástæðan fyrir bætunum er sú að Guðmundur var handtekinn og vistaður í 10 sólarhringa við ómannúðlegar aðstæður á lögreglustöðinni við Hlemm árið 2010. Þetta þótti vera brot við banni á pyndingum og þotti vanvirðandi meðferð.
Vistin reyndist Guðmundi mjög þungbær og hafði í för með sér alvarlegar heilsufarslegar afleiðingar fyrir hann.
Ástæðan fyrir því að hann var handtekinn tengist því rannsókn lögreglu á fíkniefnasmygli, en sonur Guðmundar var einn sakborninga málsins. Grunur lögreglu kviknaði um aðkomu Guðmundar sjálfs að málinu og var hann því handtekinn.
Það hefur ekki gengið vel hjá Guðmundi að krefja ríkið um bæturnar sem honum hafa verið dæmdar, en hægt er að lesa nánar um málið á vef Fréttablaðsins.
