Guð­jón, 70 ára, er hetja dagsins: Tíu þúsund tyggjók­lessur farnar af götum Reykja­víkur

Ef ein­hver á skilið lof þessa dagana er það Guð­jón Óskars­son, 70 ára Reyk­víkingur, sem náði þeim á­fanga í gær að týna upp tyggjók­lessu númer tíu þúsund af götum borgarinnar.

Guð­jón setti sér í sumar það mark­mið að ná sem flestum tyggjók­lessum af götum borgarinnar, sér­stak­lega í mið­borginni, á tíu vikum. Ó­hætt er að segja að Guð­jón hafi staðið við stóru orðin því tyggjók­lessurnar telja nú tíu þúsund. Guð­jón fagnaði þessu ákaft eins og sjá má á mynd­bandi sem sjá má á Face­book-síðu á­taksins.

Guð­jón var í við­tali við RÚV um á­takið í sumar þar sem hann var spurður um á­stæður þess að hann á­kvað að ráðast í á­takið.

„Mér fannst kominn tími til, þetta er s­vodan við­bjóður. Ég líka missti vinnuna og varð náttúr­lega að koma mér í að gera eitt­hvað. Mér fannst þetta alveg upp­lagt, ég hef fengist við þetta áður. Þetta er ekki erfitt, þetta er vissu­lega leiðin­legt og tíma­frekt, en maður sér alltaf árangur og það er svo­lítið mikið mál,“ sagði Guð­jón í við­talinu en hann keypti sér sér­stakan hreinsi­búnað sem að­stoðar hann við að ná klessunum af götunum.