Leikarinn og leikstjórinn Gísli Örn Garðarson birti myndband í morgun sem sýnir þjóf skera á lásinn á rafmagnshjólinu hans með slípirokk en hjólinu hans var stolið fyrir utan Borgarleikhúsið í gærkvöldi.
„Ekki vongóður um að það finnist, en þá meira víti - öðrum til varnaðar: þessu hjóli var stolið fyrir framan aðalinngang Borgarleikhússins á meðan ég var að sýna á laugardag. Slípirokkur. Nokkrar sekúndur (eins og sést á videói) þrátt fyrir fullt af fólki í kring. Lás af dýrustu gerð,“ skrifar Gísli á Facebook.
