Gísli Marteinn: „Þurfum að keyra að­eins minna og borða að­eins minna kjöt“

Gísli Marteinn Baldurs­son, sjón­varps­maður, og Þór­dís Kol­brún Reyk­fjörð Gylfa­dóttir, iðnaðar- og ný­sköpunar­ráð­herra, tókust á á Twitter í gær. Þar voru lofts­lags­mál til um­ræðu.

Gísli segir að lausnin felist í því að keyra minna og minnka kjöt­neyslu: „Það er neyðar­á­stand í lofts­lags­málum. En for­réttinda­staða freka karlsins (af báðum kynjum) er svo inn­gróin í okkur að við erum of hrædd til að segja honum mjög skýrt að við þurfum að keyra að­eins minna og borða að­eins minna kjöt. Frá og með deginum í dag,“ segir Gísli.

Þetta segir hann við frétt sem hann deilir frá RÚV. Þar er greint frá því að tí­falt meiri sam­drátt í losun gróður­húsa­loft­tegunda þurfi heldur en Co­vid-far­aldurinn olli, ef mark­mið Parísar­sam­komu­lagsins eigi að nást.

Þór­dís svarar Gísla og segir að lausnin geti falist í öðru en að leggja einka­bílnum og borða minna af kjöti, til dæmis með því að nýta virkjana­kosti: „Það má líka velta upp for­réttinda­stöðu lands sem á gríðar­lega verð­mætar auð­lindir sem má nýta á sjálf­bæran hátt með lág­marks raski (en raski þó) til að fram­leiða græna orku til að minnka losun í heiminum, hætta að brenna jarð­efna­elds­neyti. Að skila auðu í því finndist mér frekt,“ segir Þór­dís.

Gísli þakkar Þór­dísi fyrir svarið en lætur ekki segjast: „Takk Þór­dís, vissu­lega rök. En ef þú ert að meina: „Ís­land á að menga meira því það er gott fyrir heiminn“ þá held ég að það sé ó­boð­leg stefna. Af hverju ekki að nota bíla minna? Ríki og borg á­kváðu að við yrðum mesta bíla­þjóð heims, af hverju ekki að hverfa frá þeirri stefnu?“ spyr Gísli að bragði.

Gísli mis­skildi orð Þór­dísar: „Ég er alls ekki að meina það,“ segir Þór­dís og heldur á­fram: „Þessi vandi &sú á­kvörðun að heimurinn verði ó­háður bruna á jarð­efna­elds­neyti er miklu miklu stærri en ís­lensk bíla­notkun. Ég vil að við þróum borg &bæi frá bíla­notkun. En fram­leiðsla á e-fuel verður mikil &við munum þurfa meiri raf­orku í fram­tíðinni.“

Nokkur um­ræða skapaðist út frá þræði Gísla og skiptast net­verjar í tvær fylkingar. Sveinn nokkur spyr hvort Þór­dís tali fyrir fleiri stíflum: „Ertu að boða fleiri stíflur, erfitt að hugsa sér það þegar 80% af allri vatns­orku fer til ál­vera. Kannski kominn tími til að ráð­stafa þessari miklu orku í annað en ál­bræðslu.“

Þá tekur Hal nokkur undir orð Þór­dísar: „Þetta er rétt sem Þór­dís Kol­brún segir, hún er ekki að tala um að menga meira, þvert á móti. Hin nýja sýn er öflugur iðnaður sem gerir mikið gagn í lofts­lags­málum og mengar ekkert. Minnkar CO2 um milljónir tonna í and­rúms­lofti og bætir engu við (engin mengun).“

Lofts­lags­mál taka æ meira pláss í al­mennri um­ræðu og ljóst er að flestir – eða margir hið minnsta – geti sam­mælst um að að­gerða sé þörf. Þó er það svo að það eru al­deilis ekki allir sam­mála um það hvaða leið skuli farin í átt að því marki að gera Ís­land grænna og um­hverfis­vænna.