Gísli Marteinn Baldursson, sjónvarpsmaður og fyrrverandi borgarfulltrúi, segir að sjónarsviptir verði af Katrínu Atladóttur, borgarfulltrúa Sjálfstæðisflokksins.
Katrín hefur ákveðið að gefa ekki kost á sér til áframhaldandi setu í borgarstjórn. Hyggst hún þess í stað þiggja starf hjá Dohop síðar á árinu.
„Þetta er mikill missir fyrir borgarbúa. Katrín hefur verið frábær borgarfulltrúi og svo sannarlega munað um hana, sem ekki er hægt að segja um alla borgarfulltrúana 23 sem sitja í borgarstjórn,“ segir Gísli Marteinn á Twitter og bætir svo við innan sviga að hann giski á að innan við eitt prósent borgarbúa gætu nefnt suma þessara borgarfulltrúa á nafn.
Katrín hefur verið nokkuð áberandi á kjörtímabilinu þegar kemur að bíllausum lífsstíl og var hún hvatamaður að gerð hjólreiðaáætlunar Reykjavíkur.
Þetta er mikill missir fyrir borgarbúa. Katrín hefur verið frábær borgarfulltrúi og svo sannarlega munað um hana, sem ekki er hægt að segja um alla borgarfulltrúana 23 sem sitja í borgarstjórn. (Giska á að innan við 1% borgarbúa gætu nefnt sum þeirra.)https://t.co/GYNd2i0xD3
— Gísli Marteinn (@gislimarteinn) January 3, 2022
