Vignir S. Halldórsson byggingarverktaki var gestur Dagmála hjá mbl.is á fimmtudaginn en þar sagði að hann að öll sveitarfélögin á höfuðborgarsvæðinu þyrftu að taka höndum saman til að leysa húsnæðisvandann. Það þyrfti að brjóta mikið af nýju landi og stórauka lóðaframboð. Ekki mætti einblína á þéttingu byggðar.
Sjónvarpsmaðurinn Gísli Marteinn sem hefur lengi verið mikill stuðningsmaður þéttingu byggðar segir hugmyndir Vignis vera þvælu og vill alls ekki „fara dreifa borginni út um allar trissur því einhverjir verktakar eru gráðugir í peninga.“
„Mjög mikilvægt að við kjósum ekki fólk í vor sem er sammála svona þvælu. Við megum alls ekki fara að dreifa borginni út um allar trissur af því einhverjir verktakar eru gráðugir í peninga. Við eigum að byggja inn á við, það er grænna og það er ódýrara fyrir alla til lengri tíma,“ skrifar Gísli
Mjög mikilvægt að við kjósum ekki fólk í vor sem er sammála svona þvælu. Við megum alls ekki fara að dreifa borginni út um allar trissur af því einhverjir verktakar eru gráðugir í peninga. Við eigum að byggja inn á við, það er grænna og það er ódýrara fyrir alla til lengri tíma. pic.twitter.com/nmg1UQRREd
— Gísli Marteinn (@gislimarteinn) March 6, 2022
„Það er merkilegt hvað fá sem telja sig til hægri átta sig á því hvað nýtt úthverfi kostar mikinn pening. Nýir innviðir, vegir, snjómokstur, umferðateppur, gegnumakstur í gegnum gömul hverfi osfrv. Byggð innan núverandi byggðar þýðir betri nýting innviða, betri meðferð útsvars.,“ bætir hann við.
„Væri glapræði að dæla út lóðum austast. Fjölmiðlafólk sem talar um „lóðaskort“ þarf að skilja samhengið. Það er enginn slíkur, það eru búin að vera metár í uppbyggingu og þótt vextir ofl geri eftirspurn skyndilega meiri er galið að bregðast við því með því að pissa í skóna sína,“ skrifar Gísli að lokum.
