Stefán Pálsson, varaborgarfulltrúi VG og Þórður Gunnarsson, hagfræðingur og frambjóðandi Sjálfstæðisflokksins, segjast á mbl.is ekki vera hrifnir af nýjum meirihluta í borginni.
Haft er eftir Þórði að hann telji ekki vel til hans stofnað og gagnrýnir hann meirihlutaflokkana fyrir útilokunarmenninguog klækjastjórnmál sem nýtt hafi verið til að ná fram þeim meirihluta sem flokkarnir í gamla meirihlutanum vildu.
Stefán segir að það hafi komið til greina af hálfu VG að ganga til liðs við meirihlutann. „Og þá sem annað varadekk og það var ekkert spennandi við þá tilhugsun.“
Hann segir mikið af tækifærum til að berja á meirihlutanum frá vinstri. Kjósendur hafi átt erfitt með að aðgreina flokkana í meirihluta í sundur. „Menn komu meira fram eins og klíka eða vinahópur frekar en bandalag nokkurra flokka. Mér finnst þetta ekki endilega pólitískt hollt.“
