„Hún tekur bara punkta frá Bjarna Benediktssyni sem er bara fínt ef þú ert í Sjálfstæðisflokknum en hún hefur enga sjálfstæða skoðun á efnahagsmálum og fjármálum,“ sagði Kristrún Frostadóttir, þingmaður Samfylkingarinnar, um Katrínu Jakobsdóttur forsætisráðherra í nýjasta hlaðvarpsþætti Chess after Dark.
Í þættinum var verið að ræða hvort Vinstri græn og Framsókn hafi afsalað sér völdum til Sjálfstæðisflokksins í gegnum fjármálaráðuneytið.
„Ég ætla ekki að gera lítið úr embættinu sem Katrín situr í. Það er auðvitað þannig að ef þú ert með forsætisráðherra í vinstri flokki og svo ertu með fjármálaráðherra í hægri flokki – þú lest bara út úr fjármálaáætlun mjög skýra hægri pólitík, það er bara þannig,“ sagði Kristrún og bætti við að Bjarni ræður of miklu í stjórnarsamstarfinu.
Ummæli Kristrúnar hafa fallið í grýttan jarðveg hjá Vinstri grænum og hafa margir tekið upp hanskann fyrir Katrínu.
Meðal þeirra er Líf Magneudóttir borgarfulltrúi og Anna Lísa Björnsdóttir, framkvæmdastjóri þingflokks Vinstri grænna.
Stay classy Kristrún: https://t.co/RkJjA0WlAp
— Líf Magneudóttir 💙💛 (@lifmagn) May 6, 2022
Anna Lísa segir ummælin minna á þau sem Ágúst Ólafur Ágústsson, fyrrverandi þingmaður Samfylkingarinnar, lét falla um Katrínu 2020.
Fyrst Ágúst Ólafur og nú Kristrún.
— Anna Lísa (@annelibjorns) May 7, 2022
Kemur mér á óvart að Kristrún feti þessa leið. pic.twitter.com/c35mSL6wcI
Mbl.is hafði samband við borgarfulltrúa Samfylkingarinnar Rögnu Sigurðardóttir sem gagnrýndi ummæli Ágústs á sínum tíma um ummæli Kristrúnar en hún taldi ekki tilefni til að gagnrýna Kristrúnu.
Svona eiga þingmenn ekki að tala. Gott og gilt að biðjast afsökunar en ummælin minna óneitanlega á þá kynferðislegu áreitni sem þingmaðurinn sýndi af sér og léleg viðbrögð hans í kjölfar opinberunar hennar. https://t.co/szSulSw7Bn
— Ragna Sigurðardóttir (@ragnasig) October 5, 2020
