Gætu þau lifað á þessum peningum? „Þeim er slétt sama“

„Alltaf gæskan sem skín frá Sam­tökum at­vinnu­lífsins. Núna er bar­átta þeirra að það megi bara alls ekki hækka at­vinnu­leysis­bætur sem eru heilar 243 þús kr. eftir skatt!.“

Þetta segir Ágúst Ólafur Ágústs­son, þing­maður Sam­fylkingarinnar, um við­tal Bylgjunnar við Önnu Hrefnu Ingi­mundar­dóttur, for­stöðu­mann efna­hags­sviðs Sam­taka at­vinnu­lífsins. Í við­talinu sagði Anna Hrefna það vera var­huga­vert að hækka at­vinnu­leysis­bætur. Á­hrifin gætu komið fram í auknu at­vinnu­leysi og stuðlað að því færri störf verði búin til. Hefur Anna Hrefna áður sagt að bætur hér á landi séu háar miðað við það sem gengur og gerist innan ríkja OECD. Ágúst Ólafur gefur lítið fyrir þessi rök.

„Rökin hjá SA eru m.a. þau að bætur megi nú ekki vera of háar því þá sé hætta að fólk vilji bara vera á þessum lúxus­bótum í stað þess að vinna. Stundum virðist vanta eitt­hvað á raun­veru­leika­til­finninguna hjá sumum. Þá hafa þessi sam­tök miklar á­hyggjur að það þurfi nú að fjár­magna þessar bætur og það virðist bara vera hrika­leg byrði,“ segir Ágúst Ólafur.

Hann veltir því fyrir sér hvort það sé á stefnu­skrá Sam­taka at­vinnu­lífsins að lækka at­vinnu­leysis­bætur, fyrst rök sam­takanna séu þau að at­vinnu­leysis­bætur auki í raun at­vinnu­leysi. „Enda ætti það þá að draga úr at­vinnu­leysi sam­kvæmt þeirra eigin rökum.“

Ágúst segist eiga eftir að sjá for­svars­fólk Sam­taka at­vinnu­lífsins treysta sér til að lifa á þessum lúsa­launum. „Nú þegar þúsundir sam­borgara okkar og vinir eru dæmdir til að lifa á 243 þús á mánuði má velta fyrir sér hvort þetta sé slagurinn sem Sam­tök ís­lensks at­vinnu­lífs kýs að taka.“

Ágúst Ólafur segir að þetta virðist ekki bara vera af­staða Sam­taka at­vinnu­lífsins heldur allra þing­manna Vinstri grænna, Fram­sóknar og vitan­lega Sjálf­stæðis­flokksins.

„Því þau öll með tölu eru ný­búin að stað­festa vilja sinn að hafa at­vinnu­leysis­bætur svona lágar en það gerðu þau þegar þau bein­línis ýttu öll á nei-hnappinn við til­lögu á Al­þingi um hækkun þessara lágu bóta.“

Guð­mundur Gunnars­son, fyrr­verandi for­maður Raf­iðnaðar­sam­bands Ís­lands, gagn­rýnir einnig orð Önnu Hrefnu og segir að enn eina ferðina fari máls­varar fram undir fölsku flaggi.

„Þeim er slétt sama hvort at­vinnu­laust fólk geti dregið fram líf. Þeirra mark­mið er í raun að halda niðri lægstu launum.“