Friðrik Jónsson, formaður BHM, ákvað að benda á stærstu ógnina í faraldrinum tengt veirunni utan veirunnar sjálfrar.
„Stærsta ógnin tengt þessari veiru, utan veirunnar sjálfrar, er fullorðið fólk sem vegna leti, sérvisku eða samsæriskenninga lætur ekki bólusetja sig,“ skrifar Friðrik.
„Þau eru stærsta ógnin við heilbrigðiskerfið. Þau eru stærsta ógnin við örþreytt heilbrigðisstarfsfólk. Þau eru stærsta ógnin við fólk sem getur ekki af heilsufarsástæðum þegið bólusetningu. Þau eru stærsta ógnin við lýðheilsu, geðheilsu og efnahag.“
„Þau eru stærsta ógnin við skólakerfið, og svo mætti lengi telja. Skyldubólusetning er ekki æskileg, en afleiðingaleysi ábyrgðarleysis er heldur ekki ásættanlegt,“ bætir hann við.
Hann segir að það sé löngu ljóst að veiran fer í manngreinarálit – verst þeim sem standa veik fyrir vegna aldurs eða undirliggjandi ástæðna og þeim sem eru bólusettir.
„Jákvæðir hvatar til bólusetninga eru æskilegastir, en neikvæðir hvatar eiga ekki að vera útilokaðir. Rétt að reyna mildina þar fyrst. Hins vegar er ekki lengur verjandi að láta allt jafnt yfir alla ganga, bólusetta sem óbólusetta“
Ég skal segja það upphátt: Stærsta ógnin tengt þessari veiru, utan veirunnar sjálfrar, er fullorðið fólk sem vegna leti, sérvisku eða samsæriskenninga lætur ekki bólusetja sig. 1/5
— Friðrik Jónsson, formaður BHM (@FormadurBHM) January 6, 2022
