Freyja Haraldsdóttir segir það fyndið að Brynjar Níelsson vilji ólmur rannsaka öryrkja, í nýrri Facebook færslu þar sem hún bregst við nýlegum ummælum Brynjars um þjóðfélagshópinn.
Brynjar vakti mikla athygli á dögunum þegar hann mætti í podcastþátt Sölva Tryggvasonar og tjáði sig um mál öryrkja. Þar sagðist hann finna mikið til með fólki sem eru allar bjargir bannaðar, þeir þurfi hinsvegar sjálfir að bera einhverja ábyrgð. Sagði hann fjölda öryrkja og fólks á atvinnuleyisbótum alltof mikinn.
„Í örorku er nánast veldisvöxtur,“ segir Brynjar. Það þurfi að skoða þetta, þó umræðan sé viðkvæm. „Það er stundum eins og það megi ekki taka umræðu um svik í almannatryggingakerfinu, af því að þá er verið að ráðast á þá sem standa höllum fæti og menn setja bara alla öryrkja á sama stað,“ segir Brynjar.
„Ef þróunin verður þannig að á hverjum skattgreiðanda hvílir einn öryrki og einn aldraður, þá er það orðið ansi mikið og eitthvað sem gengur auðvitað ekki til lengdar. Ef þeim sem nettó greiða skatt heldur stöðugt áfram að fækka, þá erum við auðvitað ekki lengur sjálfbær og þá þarf að grípa til aðgerða.“
Brynjar sagt sjálfur að hann nenni ekki að mæta
Freyja, sem undanfarin ár hefur vakið athygli fyrir skelegga framgöngu sína í baráttu fyrir mannréttindum fatlaðs fólks lætur sér greinilega fátt um finnast um skoðanir Brynjars.
„Það er svo fyndið að Brynjar Níelsson, sem nennir ekki að mæta í vinnuna því honum finnst það tilgangslaust, eins og hann hefur greint frá opinberlega, vilji samt ólmur rannsaka öryrkja því að hann er viss um að þessi hópur nenni bara ekki að vinna.
Spurning hvenær hann vill beita eigin hugmyndafræði á sjálfan sig.“
Það er svo fyndið að Brynjar Níelsson, sem nennir ekki að mæta í vinnuna því honum finnst það tilgangslaust, eins og...
Posted by Freyja Haraldsdóttir on Friday, 4 December 2020
