Freyja, íbúi í Mosfellsbæ og nagránnar hennar voru óttaslegnir eftir óhljóð og og drunur heyrðust um í hverfinu að nóttu til fyrir nokkrum dögum.
Í færslu Freyju í Facebook hóp íbúa í Mosfellsdals eru íbúar sagðir óttast mjög minkafaraldur í bænum og hafa hænsna- og dúfnaeigendur orðið fyrir miklum skaða síðustu daga.
„Síðastliðna viku hefur minkur, ekki i eintölu heldur fleirtölu, drepið hænur í 2 kofum í Reykjabyggd a sitthvorum enda hverfisins og heyrði ég af dúfna fjöldadrápi í
Mosfellsdal í gær. Þetta er búrminkur sem kann ekki ad bjarga ser vel í snjófarginu svo þeir eru ad sækjast í ljós, hlýju og mannabyggðir. Koma á gluggana hjá fólki og teygir sig að birtunni,“ segir Freyja í færslu sinni og varar bæjarbúa við.
„Þeir virðast vera agressivari núna í snjónum ad komast inn hjá fólki. Ef þú átt barn sem sefur úti í vagni, þá myndi ég hugsa mig tvisvar um að láta barn í vagni út án eftirlits á meðan þetta er svona. Jafnvel ekki setja litla hunda eina út í langan tíma bundna. Minkur drepur sér ekki bara til matar heldur drepur hann allt kvikt að gamni sínu. Þessi minkagrey líta út gæf og krúttleg en eru þvi miður allt annað en það.“
Og með færslunni birti Freyja myndband af minki sem hún fann á útipallinum sínum nýverið. „Hann óð gargandi á móti mér þegar hann var króaður af,“ bætir Freyja við.
Myndbandið sem hún birti með má sjá hér að neðan og er hljóði vægast sagt ekki skemmtileg til að vakna við.
