Selskópurinn Tóbías Eró, einn frægasti selskópur landsins sem var í fóstri á Súðavík, er allur en hann lést í nótt úr lungnabólgu. Hjónin Ásgeir Hólm Agnarsson og Elsa Guðbjörg Borgarsdóttir greina frá þessu á Instagram.
Hjónin greindu frá því í síðustu viku að þau hefðu fundið kópinn yfirgefinn á Hestfirði í Ísafjarðardjúpi. Sögðu þau við Ríkisútvarpið í síðustu viku að kópurinn væri orðinn eins og einn af fjölskyldunni.
„Mér þykir það rosalega leitt, en þetta er búið að vera erfitt síðustu daga,“ segir hún. Allt hafi verið gert til að aðstoða honum en að lokum hafi sýking dregið hann til dauða.
„Þetta er bara búið að vera hrikalega erfitt. Mjög athyglisvert, talið um að dýrin séu skynlaus og svona eða hinsegin en ég á eftir að líta selinn allt allt öðrum augum en ég gerði fyrir nokkrum vikum síðan.“
