Rannveig Rist forstjóri álversins í Straumsvík segir í samtali við RÚV að þótt álverið sé frábær vinnustaður fyrir konur þá vantar umsóknir frá þeim en hindranirnar eru sérstaklega miklar varðandi vaktavinnu.
„Ég bara spyr hvers vegna eru leikskólar ekki opnir allan sólarhringinn. Þeir eru bara miðaðir við skrifstofutíma,“ segir Rannveig og bætir við að það sé kannski ein skýring þess að Landspítalanum gangi illa að ráða starfsfólk.
Þetta kom fram á ráðstefnu Félags kvenna í atvinnulífinu þar sem viðurkenning jafnréttisvogarinnar voru afhentar.
Rannveig vill jafnframt að kynjakvóti í framkvæmdastjórnir fyrirtækja verði lögfestur líkt og erum stjórnir þeirra.
„Mér fyndist til þess að koma jafnréttinu betur á þá þyrftum við að hafa kynjahlutföllin jöfn í framkvæmdastjórnum. Og það stafar af því að framkvæmdastjórnir eru þeir aðilar sem sjá um ráðningar starfsfólks inn í fyrirtækin og sjá um framgöngu starfsmanna en ekki stjórnir,“ segir Rannveig í samtali við RÚV.
