Flugvélin fannst í Þingvallavatni í kvöld

Flug­vélin sem saknað hefur verið frá því um há­degis­bil á fimmtu­dag er fundin. Vélin fannst með fjar­stýrðum kaf­bát fyrir­tækisins Tele­dyne Gavia í Ölfu­s­vatns­vík, í sunnan­verðu Þing­valla­vatni, á ellefta tímanum í kvöld.

Þetta kemur fram í til­kynningu sem Land­helgis­gæslan sendi frá sér rétt eftir klukkan eitt eftir mið­nætti.

Í henni kemur fram að rúm­lega þúsund við­bragðs­aðilar hafi tekið þátt í leitinni, þar á meðal á níunda hundrað björgunar­sveitar­menn frá Slysa­varna­fé­laginu Lands­björg, þyrlu­sveit land­helgis­gæslunnar, lög­regla, sér­að­gerða­sveit Land­helgis­gæslunnar, al­manna­varna­deild ríkis­lög­reglu­stjóra, sér­sveit ríkis­lög­reglu­stjóra, starfs­menn Isavia, einka­aðilar auk fjöl­margra annarra.

„Land­helgis­gæslan vill þakka öllum þeim sem komið hafa að þessari um­fangs­miklu leit fyrir ó­eigin­gjarnt og fórn­fúst starf við krefjandi að­stæður,“ segir í til­kynningunni.

Þá kemur fram að rann­sókn málsins og næstu skref séu í höndum lög­reglunnar á Suður­landi. Við­bragðs­aðilar sem unnið hafa unnið að leitinni eru komnir í hvíld og í há­deginu er fyrir­hugaður stöðu­fundur þar sem farið verður yfir næstu skref.