Guðmundur Jörundsson, fatahönnuður og rekstrarstjóri lífstílsverslunarinnar Nebraska á Barónsstíg, skrifar um afar sérstaka þráhyggju sem hann er með á Twitter í dag.
Mörgum til mikillar undrunar þá virðast fjölmargir tengja við þráhyggju Guðmundar.
„Ég er með þráhyggju fyrir því að láta smíða fyrir mig barnavagn í fullorðinsstærð og leggja mig í honum á daginn úti í garði alveg dúðaður og í svefnpoka.
Tengir einhver annar við þetta eða er þetta bara ég að vera viðundrið sem ég er?“ spyr Guðmundur. „Hugsa um þetta 3-4 sinnum í viku,“ bætir hann við.
Hekla Elísabet Aðalsteinsdóttir, sem starfar fyrir þingflokk Pírata, segir við Guðmund að hann er ekki einn.
Steingrímur Arason tekur einnig undir og segir: „Dreymi um að eignast svona“
„ÉG! Og hér er loksins komið á hreint að það er eftirspurn! Þetta ER milljón dollara hugmynd! Við, sem gengið höfum með þessa hugmynd í maganum í fleiri, fleiri ár: Sameinumst! Látum þetta gerast! Sumarið 2023,“ skrifar Guðný Nielsen.
Anna Jóna Dungal segist hafa verið að útskýra þetta fyrir manninum sínum í vikunni: „Hefur verið draumur í allavega áratug.
Felix Bergson er hins vegar með lausn fyrir Guðmund og segir honum að kíkja til Berlínar.
„Folsom Europe í september er greinilega giggið fyrir þig,“ segir Felix.
