Fimm ára stúlka, Saga Sólrún, hefur sent borgarstjóra opið bréf þar sem hún biðlar til hans að bjarga bókabílnum. Fréttablaðið greinir frá þessu.
Greint var frá því í vikunni að Borgarbókasafnið leggi til að starfsemi bókabílsins verði lögð niður í drögum að nýrri fjárhagsáætlun.
„Kæri Borgarstjóri. Ég heiti Saga Sólrún og ég ætla að biðja þig um að hætta þessu bulli!! Bókabíllinn má ekki hætta!“ skrifar Saga Sólrún í bréfinu, en móðir hennar, Aðalbjörg Árnadóttir, birtir bréfið á Facebook-síðu sinni.
„Viltu laga þetta plís borgarstjóri. Ég elska bókabílinn svo mikið. Bestu kveðjur, hættu þessu bulli, litli sæti borgarstjóri, takk fyrir.“
