Fer­tug kona sökuð um að á­reita ungan strák: „Málið hefði ekki verið þaggað niður ef kona hefði orðið fyrir þessu“

Tæp­lega tví­tugur strákur hefur kært fer­tugan kven­kyns deilda­stjóra í grunn­skóla á Suður­nesjum, sem situr einnig í bæjar­stjórn Suður­nesja­bæjar, til lög­reglu fyrir kyn­ferðis­lega á­reitni.

Þetta kemur fram í fréttFrétta­blaðsins.

Pilturinn, sem kýs að koma ekki fram undir nafni, kærði málið til lög­­reglu í mars síðast­liðnum. Lög­reglan felldi málið niður þar sem ekki þóttu nægi­lega sterkar sannanir og var þeim boðin sátta­með­ferð í málinu með lög­mönnum.

Maðurinn gagn­rýnir bæjar­yfir­­völd á Suður­­nesjum vegna að­komu þeirra í málinu og spyr sig hvernig vinnsla málsins hefði verið ef um tví­­tuga konu og fer­tugan karl­mann væri að ræða. Þá hafi honum verið meinað að mæta til vinnu í þrjár vikur vegna málsins þrátt fyrir að vera þolandi í málinu.

„Ég tel lík­­legt að málið hefði ekki verið þaggað niður líkt og í mínu máli ef kona á tví­­tugs­aldri hefði orðið fyrir þessu á­reiti,“ segir hann.

„Ég setti inn færslu á Insta­gram með sam­­skiptum milli mín og meints ger­enda. Við það sendu bæjar­yfir­­völd strax á lög­mann minn að fjar­lægja færsluna og hótaðu mér brott­­rekstri. Þetta er ekkert annað en með­­virkni í litlu bæjar­­fé­lagi og hlutunum sópað undir teppið.“

Hér má sjá brot af samskiptum konunnar til mannsins á samfélagsmiðlum.

Hefur ekki svarað fyrir­spurnum

Móðir drengsins segir í sam­tali við Frétta­blaðið son sinn hafa á­­kveðið að kæra málið en á fundi með bæjar­yfir­völdum hafi hann verið hvattur til að fara aðrar leiðir. „Það var verið að letja mann sem er búinn að taka á­­kvörðun um að til­­kynna málið til lög­­reglu,“ segir hún.

Frétta­blaðið hefur í­trekað reynt að ná tali af deildar­stjóranum án árangurs.