Féllust í faðma á vakta­skiptum eftir marga mánuði í sundur

Merk tíma­mót urðu hjá Slökkvi­liðinu á höfuð­borgar­svæðinu í gær þegar út­kalls­lið slökkvi­liðsins varð að einum sótt­varnar­hóp á nýjan leik og féllust slökkvi­liðs­menn í faðma.

Vakta­skipti hafa verið ó­hefð­bundin hjá slökkvi­liðinu í marga mánuði sökum kórónu­veirufar­aldursins. Þess hefur í­trekað verið gætt að vaktir hittust ekki. Sumir hverjir höfðu því ekki hitt sumt sam­starfs­fólk sitt í fleiri mánuði.

„Þetta breyttist í gær og var mikil á­nægja með að geta hist og talað saman á vakta­skiptum. Á­fram verður mikil á­hersla á per­sónu­bundnar sótt­varnir en þetta var stórt skref fram á við,“ segir í Face­book færslu slökkvi­liðsins.