Felix Bergsson fjölmiðlamaður og skemmtikraftur segir að nú sé mikilvægt að standa saman um þær aðgerðir sem ákveðið hefur verið að grípa til vegna útbreiðslu kórónuveirunnar.
Felix horfði á upplýsingafund almannavarnardeildar ríkislögreglustjóra í morgun og hreifst mjög af þeim sem standa í brúnni.
„Vá hvað Þórólfur, Víðir og Páll Matt voru stórkostlegir á upplýsingafundinum áðan. Svo rökfastir, ákveðnir, vel máli farnir og án allra stæla. Það er mikil gæfa fyrir okkur að hafa svona fólk í brúnni. Takk! Og stöndum nú saman um þessar aðgerðir!,“ sagði hann á Twitter-síðu sinni.
Felix er svo í athugasemd beðinn um að ímynda sér hvað við værum heppin af stjórnmálamennirnir okkar væru eins. Felix ætlar þó að halda áfram að einblína á það jákvæða. „Ja, mér finnst nú raunar fullt af mjög hæfu fólki þar á meðal og hef ákveðið að fókusera frekar á það fólk en hina :)“
