Felix hjólar í fréttastofu RÚV: „Látið ekki klikk­beitið trufla“

Felix Bergs­son er ekki parsáttur með frétta­flutning RÚV af við­tali sem hann mætti í á Rás 2. Felix les RÚV pistilinn í Face­book færslu um málið.

„Þetta er skrýtin fyrir­sögn á frétt sem unnin er upp úr spjalli sem ég átti við Þossa minn um Rokk í Reykja­vík og á­hrif myndarinnar á það sem eftir fylgdi, t.d. Greifana,“ skrifar Felix. Fyrir­sögnin á fréttinni er „Voru lengi illa spilandi band“ og vill Felix greini­lega ekki kannast við að hafa sagt það.

Haft er eftir Felixi í frétt RÚV:

„Og Greifarnir, ég vona að vinir mínir fyrirgefi mér fyrir að segja þetta, voru í rauninni illa spilandi band lengi framan af.“ En æfingin skapi þó meistarann og á einhverjum tímapunkti hafi bandið orðið frábært. „En til að byrja með var það alls ekki þannig.“ 

Felix virðist gáttaður á að þetta hafi verið dregið í fyrirsögn:

„Ég hvet ykkur til að hlusta á spjallið en þar segi ég ein­mitt að Greifarnir hafi orðið hörku­band í live spila­mennsku en það gerðist ekki fyrr en með reynslu og spila­mennsku. Við fylgdum orðum Einars Arnar Bene­dikts­sonar - það skiptir ekki máli hvað maður getur heldur hvað maður gerir,“ skrifar Felix, sem skrifar að endingu:

„Látið ekki klikk­beitið trufla.“