Felix Bergsson, útvarpsmaður, leikari og þúsundþjalasmiður var spurður á samfélagsmiðlum í dag hvort það væri satt að hann hafi hitt Bill og Hillary Clinton þegar þau voru forsetahjóna Bandaríkjanna.
Felix svaraði því um hæl að svo væri rétt og rifjaði upp fyrir fólki hversu stressaður hann var þegar hann hitti þau.
„Já þetta gerðist í alvöru! ég hitti þau hjónin í Haag í Hollandi árið 1997 þegar þau fóru í göngutúr til að hitta almúgann. Voru þar á ráðstefnu sem Baldur Þórhallson
var líka á en ég var geymdur úti á götu. og þar hitti ég hjónin knáu. raunar klúðraði ég þessu illilega því ég varð svo stressaður þegar ég stóð fyrir framan þau að ég fór bara að flissa eins og fífl og sagði svo: I offer you greetings from Iceland Mr President. ég skil þessa setningu ekki enn. I offer you greetings!! hvað er að?? en semsagt svona gerðist það,“ sagði Felix.
Þórunn sem upphaflega bað Felix um söguna fylgdi eftir með spurningu og spurði hvort að Gunni Helga hafi þá haft rangt fyrir sér þegar hann sagði að þeir félagar þekktu EKKI Bill Clinton.
„Já! Ég var að reyna að segja honum það! Hins vegar viðurkenni ég að ég hitti aldrei Yasser Arafat…,“ svaraði Felix.
...ég þessu illilega því ég varð svo stressaður þegar ég stóð fyrir framan þau að ég fór bara að flissa eins og fífl og sagði svo: I offer you greetings from Iceland Mr President. ég skil þessa setningu ekki enn. I offer you greetings!! hvað er að?? en semsagt svona gerðist það
— Felix Bergsson (@FelixBergsson) December 10, 2022
