Fá­klæddur maður sem vill gleðja úti í glugga: „Löggan er líka komin“

Bangsa­leit á höfuð­borgar­svæðinu hefur slegið í gegn og á Face­book-síðunni Bangsa­leit á höfuð­borgar­svæðinu er hægt að skrá sig, setja inn myndir og götu­heiti hvar bangsa er að finna úti í glugga. Odd­ný Árna­dóttir skipu­lagði þennan við­burð og segir hug­myndina snúast um úti­veru barna og gefa fjöl­skyldum tæki­færi á að leysa skemmti­legt verk­efni saman.

Sumir hafa nýtt sér við­burðinn til að slá á létta strengi og einn af þeim er Guð­mundur Sigurðs­son. Hann á Mynd dagsins að þessu sinni á Hring­braut en Guð­mundur birti upp­haf­lega myndina á Face­book. Fyrir ofan myndina skrifaði Guð­mundur:

„Bangsinn kominn í gluggann. Eitt­hvað af kven­þjóðinni veifar til mín.....eða bendir......löggan er líka komin.“

Í sam­tali við Hring­braut út­skýrir Guð­mundur á­kvörðun sína:

„Það er náttúru­lega búið að rigna yfir okkur öll slæmar fréttir og tölur. Ég er í sótt­kví og mér fannst upp­lagt að gera eina mynd sem myndi vonandi gleðja ein­hverja vini mína á Face­book og gera aðra hissa.“ Segir Guð­mundur glettinn og bætir við að lokum:

„Við­tökurnar urðu miklu meiri heldur en ég gerði mér grein fyrir og gaman að mér hafi tekist að gleðja ein­hverja.“