Sigga Eyþórsdóttir, eins systranna sem unnu Söngvakeppnina á laugardagskvöld, lýsir áhuga á samstarfi við Reykjavíkurdætur sem urðu í öðru sæti í keppninni.
„Þið eruð alveg geggjaðar tón og listarkonur. Vonandi getum við skapað list saman sem allra fyrst, þið eruð alveg dásamlegar mannverur með ótrúlega fallegan og þarfan boðskap,“ skrifar Sigga á Facebooksíðu Reykjavíkurdætra þar sem Reykjavíkurdætur óskuðu systrunum innilega til hamingju með sigurinn.
Sjá einnig: Katla biður fólk um að láta Björg í friði: „Það er ekkert vont á milli okkar“
„Í dag fögnum við því að fjórar frábærar tónlistarkonur eru að fara fyrir okkar hönd til Tórínó í maí með dásamlegu lagi og mögnuðu atriði,“ skrifuðu Reykjavíkurdætur. „Sigga, Elín Ey, Beta Ey og Lovísa við dýrkum ykkur og við vitum að þið munið sigra hjörtu heimsins með hæfileikum ykkar og hlýju,“ bættu þær við.
Í athugasemd við færsluna þakkar Sigga fyrir. „Takk elsku Daughters of Reykjavík . Við dýrkum ykkur sömuleiðis.“
