Íris Róbertsdóttir, bæjarstjóri Vestmannaeyja, er ekki ánægð með Ásgeir Guðmundsson, stjórnarmann í Samtökum reykvískra skemmtistaða og einn skipuleggjenda Innipúkans.
Ásgeir sagði í samtali við Vísi að samtökin ætla að senda allt sitt starfsfólk á námskeið til þess að bregðast við mögulegu ofbeldi um helgina. Hann sagðist einnig hlakka til að stríða útihátíðunum og að „það sé aldrei betra að vera í Reykjavík heldur en akkúrat þessa helgi því að fíflin eru farin til Eyja.“
Íris ekki ánægð með þessi ummæli og deilir fréttinni á Facebook og segir: „Æ, í alvöru? Erum við ekki komin lengra? Eru þá öll ”fíflin” allar aðrar helgar í Reykjavík? Tökum umræðuna á hærra plan, stöndum alltaf saman gegn ofbeldi. Allar helgar og alla daga!“ skrifar Íris.
Fjölmargir taka undir með Írisi og er ljóst að Eyjamenn eru ekki ánægðir með ummæli Ásgeirs.
