Eru vextir á í­búða­lánum að fara að hækka? „Allar líkur á því“ segir Agnar

„Það eru allar líkur á að fastir vextir á í­búða­lánum bankanna muni að ó­breyttu hækka nokkuð á næstunni vegna þessarar þróunar,“ segir Agnar Tómas Möller, sjóðs­stjóri skulda­bréfa hjá Kviku eigna­stýringu, í Frétta­blaðinu í dag.

Í frétt blaðsins er greint frá því að á­vöxtunar­krafa lengri ríkis­skulda­bréfa hafi hækkað um hátt í eina prósentu á síðustu þremur mánuðum en á sama tíma hafi fjár­mögnunar­kjör bankanna á markaði versnað.

Bent er á að Ís­lands­banki hafi hækkað vexti á hús­næðis­lánum í lok októ­ber­mánaðar og var hækkunin skýrð með vísan til hækkandi á­vöxtunar­kröfu á skulda­bréfa­markaði.

Út­lán til í­búða­kaupa eru fjár­mögnuð með út­gáfu sér­tryggðra skulda­bréfa og miðast verð­lagning þeirra við á­kveðið álag ofan á á­vöxtunar­kröfu ríkis­skulda­bréfa. Þegar á­vöxtunar­krafa ríkis­bréfanna hækkar, þá hækkar einnig á­vöxtunar­krafa sér­tryggðu bréfanna og þar með vextir á í­búða­lánum.

„Niður­staðan er sú að lang­tíma­vextir eru nú hærri en í febrúar síðast­liðnum og því eru stýri­vaxta­lækkanir að skila sér að mjög tak­mörkuðu leyti yfir í fjár­mögnunar­kjör til lengri tíma,“ segir Birgir Haralds­son, sjóðs­stjóri hjá AKTA sjóðum, í Frétta­blaðinu.

Birgir tekur undir það að vextir á hús­næðis­lánum geti hækkað á næstu misserum.