„Er ekki kominn tími til að treysta full­orðnu fólki fyrir eigin inn­kaupum?“

„Það kom ör­lítið skarð í ríkis­ein­okun í vikunni, þegar ís­lenskum á­fengis­fram­leið­endum var leyft að selja beint til ein­stak­linga, í stað þess að selja bara í gegn um á­fengis­sölu ríkisins og veitinga­staði,“ skrifar Svan­borg Sig­mars­dóttir, stjórn­mála­fræðingur og starfs­maður Við­reisnar, í bak­þönkum Frétta­blaðsins í dag.

„Þetta er ekki fyrsta skarðið í ein­okunina,“ skrifar Svan­borg og bætir við að net­sölur séu farnar að senda á­fengi heim, og það sé jafn­vel hægt að kaupa á­fengi á sunnu­dögum, fyrir þau sem langar í vín með sunnu­dags­grillinu en gleymdu að fara í Vín­búðina. „Það er hægt að skoða mis­munandi verð á sömu vöru og velja mestu þjónustuna og/eða lægsta verðið,“ skrifar hún.

Svan­borg segir rök þeirra sem vilja halda ein­okuninni og helst læsa alla sölu á­fengis þar inni séu að aukið að­gengi auki á­fengis­vandann á Ís­landi. „Eins og viljinn til að drekka á­fengi dofni við það að það sé erfitt að nálgast næstu Vín­búð,“ skrifar hún.

Hún spyr sig hvort við höfum verið í blakkáti síðustu tvo ára­tugi 20. aldar. Hún segir að­gengið hafa verið erfitt en drykkju­menningin var sterk og ekkert sem stöðvaði hana.

Nú er að­gengið auð­veldara en menningin er með mun veikari prómill. Við skiptum út vodkanu fyrir rauð­vín. Ung­lingarnir drekka minna. Þrátt fyrir aukið að­gengi,“ skrifar Svan­borg og spyr:

„Er ekki kominn tími til að til að treysta full­orðnu fólki fyrir eigin inn­kaupum?“