Enn eitt and­látið vegna CO­VID-19: Veiran tekið 28 manns­líf hér á landi

Einn ein­stak­lingur lést á Land­spítalanum síðasta sólar­hring vegna CO­VID-19. Þetta kemur fram í frétt sem birtist á vef Land­spítalans í morgun. Að­stand­endum við­komandi er vottuð sam­úð.

Frekari upp­lýsingar eru ekki veittar.

Þetta var tuttugasta og áttunda and­látið hér á landi vegna CO­VID-19 en veiran greindist fyrst hér á landi í lok febrúar­mánaðar. Á­tján ein­staklingar hafa látist í þriðju bylgjunni sem fór af stað í haust.

Sjö smit greindust hér á landi á sunnu­dag, sam­kvæmt tölum sem birtar voru í gær, og voru allir þeirra sem greindust í sótt­kví. Von er á nýjum tölum um fjölda smita sem greindist í gær klukkan 11. Alls voru 36 ein­staklingar á sjúkra­húsi í gær, þar af þrír á gjör­gæslu.