Einn sjúklingur lést síðasta sólarhring á Landspítalanum vegna COVID-19. Frá þessu er greint á vef Landspítalans og er aðstandendum viðkomandi vottuð samúð.
Frekari upplýsingar koma ekki fram, til dæmis um aldur viðkomandi eða hvort hann hafi verið á gjörgæsludeild fyrir andlátið.
Tuttugu og sjö einstaklingar hafa nú látið lífið í faraldrinum til þessa hér á landi, þar af sautján í kjölfar hinnar svokölluðu þriðju bylgju faraldursins.
Samkvæmt upplýsingum á vef COVID.is er nú 41 einstaklingur á sjúkrahúsi og 2 á gjörgæslu.
