„Engir nema kennarar láta bjóða sér þessa van­virðingu“

Birna Gunn­laugs­dóttir, grunn­skóla­kennari, skrifar á­huga­verða grein á Vísi um að­stæður grunn­skóla­kennara. Fyrir­sögn greinarinnar er „Gjald­þrota grunn­skóli“ og spyr Birna á­leitinna spurninga um við­horf okkar til kennara.

„Um daginn var ég gjör­sam­lega úr­vinda eftir tvær vikur í grunn­skóla­kennslu. En ekki af baki dottin, enda er ég með yndis­lega nem­endur, eins og reyndar býsna margir. Hef þó tölu­vert sinnt af­skiptum af öðrum. Hef reynslu af tættari bekkjum, þ.e. sem hafa haft tíð kennara skipti s.s. vegna veikindi kennara, kulnunar eða skorts á fag­lærðum í stéttinni,“ skrifar Birna.

Hún bendir á að afar fáir geri sér grein fyrir því að það er stórt gap í lög­gjöf um starf grunn­skóla annars vegar og fjár­fram­laga til að mæta þeirri lög­gjöf hins­vegar.

„Í sér­fræði­skýrslum og ýmsum rann­sóknum um ís­lenska grunn­skóla er mest megnis þagað um þetta stóra bil. Sums­staðar er þess þó getið stutt­lega, jafn­vel sem auka­at­riðis, en séð hef ég hjá æðstu stjórn­völdum að sér­fræði kennarans, jafn­vel sjálfs­traust hans og til­finninga­legt á­stand er dregið í efa frekar en nokkuð annað. Hversu fag­legt er það?“

Kennarar 17% undir lág­marks­launum annarra sér­fræðinga

Birna segir suma halda því fram að kennarar séu mót­fallnir stefnu um skóla án að­greiningar. Því fari þó fjarri.

„En hvaða starfs­stétt lætur bjóða sér marg­falt vinnu­á­lag eins og er í fram­kvæmd skóla án að­greiningar án þess að láta í sér heyra? Að auki fyrir sömu hræði­legu launin? At­hugið að sem sér­fræðingar með 5 ára há­skóla­nám eru kennarar 17% undir lág­marks­launum annarra sér­fræðinga. - Engir nema kennarar láta bjóða sé þessa van­virðingu.“

Birna segir til­finnan­lega vanta fjár­fram­lög til nám­sagna­gerðar. „Um­sjónar­kennarar þurfa skv. lögum og reglu­gerðum oft að vinna marg­vís­legar kennslu­á­ætlanir í staðin fyrir eina áður (og stundum ekki bara tvær), marg­vís­legt kennslu­efni að þyngdar­stigi, sem er auk þess ekki til­tækt frá mennta­mála­stofnun, en kannski hægt að leita af á netinu. Annars búa þeir það til sjálfir!“

Birna spyr hvaða kjánar kennarar séu. „Hvaða kjánar eru kennarar í sinni bar­áttu fyrir betri starfs­kjörum? Bæta á sig marg­vís­legum verk­efnum og skildum en fá ekki svo mikið sem einu sinni krónu fyrir. Eitt­hvað skárri sér­fæðinga­þjónustu fá þeir, en hún dugar ekki til og hjálpar tak­markað til inn í dag­legu starfi í bekk.“