Eldur kviknaði Í hreyfingu í Glæsibæ í morgun og þurftu allir iðkendur líkamsræktarstöðvarinnar að flýja húsið með hraði. Harpa Pétursdóttir, iðkandi í Hreyfingu, var í hóptíma þegar eldur kom upp og þakka fyrir það að hafa verið í fötum.
„Kennarinn opnar hurðina til að athuga málið og þá er allt undirlagt í reyk. Þannig við hlaupum út um neyðarútganginn og þar var minni reykur og þar sér maður bara konurnar úti með handklæðin utan um sig sem hafa farið beint úr sturtunni. Þannig þetta virðist hafa kviknað niðri í kjallaranum þar sem þvottavélarnar og þurrkarnir eru,“ segir Harpa í samtali við Fréttablaðið.
„Margir voru í sturtu og hafa bara rétt náð henda utan um sig handklæði þar sem sturturnar eru í kjallaranum og þar hefur verið mesti reykurinn,“ segir Harpa sem jafnframt þakka fyrir að hafa verið í fötum.
Fötin hennar og persónulegir munir eru enn í skápnum hennar í Hreyfingu en hún veit ekki hvenær hún mun komast í það aftur. Samkvæmt fyrstu fregnum voru engin slys á fólki.
Hægt er að lesa viðtalið við Hörpu hér.
