Eld­heitir stuðnings­menn senda Brynjari kvartanir

Próf­kjör Sjálf­stæðis­flokksins fyrir Reykja­vík fer fram um næstu helgi og er þing­maðurinn Brynjar Níels­son í fram­boði. Hann sækist eftir 2. sæti á lista flokksins en sam­kvæmt færslu hans á Face­book hefur hann ekki gert mikið til að tryggja sér sætið.

„Hef fengið kvartanir frá mörgum eld­heitum stuðnings­mönnum yfir því að ég sé ekki nógu á­berandi í próf­kjörs­bar­áttunni. Ég eigi að opna kosninga­skrif­stofu og ó­náða stöðugt vinnandi fólk með sím­hringingum. Þá eigi ég að birta aug­lýsingar, helst með myndum af mér með konunni, börnunum og hundinum,“ segir Brynjar í léttu gríni.

„Kosninga­stjóri minn, Soffía frænka, telur hins vegar lík­legast til árangurs í próf­kjörinu að ég láti lítið fyrir mér fara. Væri kannski í lagi að birta eina aug­lýsingu á miðli með mynd. Ég fengi að vísu ekki konuna og börnin með á hana og alls ekki hundinn. Senni­lega eini hundurinn í landinu sem neitar að fara út að labba með hús­bóndanum. Hann er ekki ó­svipaður hundinum hans Njáls Trausta sem þykist alltaf vera haltur þegar Njáll ætlar í göngu­túr með hann,“ bætir Brynjar við.

„Engu að síður hitti ég marga í kosninga­bar­áttunni og á iðu­lega gott spjall. Er oft spurður í sam­tölum af hverju ég viðri oft svona ó­vin­sælar skoðanir. Bæta samt við að þeir séu frekar á­nægðir með mig en taka sér­stak­lega fram að þeir séu ekki alltaf sam­mála mér. En eftir stutt sam­tal kemur í ljós að þeir eru sam­mála mér um nánast allt. Þetta segir manni það hvað pólitísk rétt­hugsun ruglar marga í ríminu. Það viðruðu ekki margir "ó­vin­sælar skoðanir" í Ráð­stjórnar­ríkjunum sálugu, hvað þá Þriðja ríkinu. En kannski voru þær ekki svo ó­vin­sælar þegar betur var að gáð,“ skrifar Brynjar enn fremur.

„Það er for­senda al­vöru lýð­ræðis­legs sam­fé­lags að taka glímuna á markaðs­torgi hug­myndanna. Við eigum ekki að taka öllu sem fram kemur í fjöl­miðlum eða frá "kerfinu" sem gefnu og við eigum að efast. Með sama á­fram­haldi hættum við að vera sjálf­stæðir ein­staklingar og verðum bara hluti að ein­hverjum hópi eða kerfi. Segjum allri rétt­hugsun stríð á hendur. Frjálsa lýð­ræðis­sam­fé­lagið er annars í hættu,“ segir Brynjar að lokum.