Eitt besta sparnaðar­ráð í heimi í boði Röggu nagla

Ragn­hildur Þórðar­dóttir, lands­þekkt sem Ragga nagli, fagnaði ný­verið níu ára af­­mæli án á­­fengis. Á­­stæðan að hún hefur ekki látið dropa af vökva Bakkusar inn fyrir sínar varir er þó ekki vegna þess að hún glímdi við á­­fengis­vanda­­mál. Síður en svo. Það má segja að Ragga nagli kunni eitt besta sparnaðar­ráð í heimi, bæði fyrir líkama og sál og eins fyrir budduna. Hún segir:

„Svona lítur líf án á­­fengis út.“

„Eitt og eitt rauð­víns­­glas í matar­­­boðum sem samt skildi eftir sig þreytu og lé­­legri svefn.
Af þeim sökum lé­­legri frammi­­stöðu í vinnu sem og á á æfingum sem veldur urlandi pirringi í metnaðar­fullri ræktar­rottu,“ segir Ragga nagli á Facebook-síðu sinni og bætir við:

En þegar farið út á galeiðuna var stundum djammað til síðasta manns. Skúruð útaf stöðunum.
Jafn­vel gripið í einn og einn smók um fjögur­­leytið þegar síðasta heila­­sellan í fram­heilanum var sofnuð.“

Ragga nagli bæti við að daginn eftir hafi hún oft vaknað með móral og verið lítil í sér fram í miðja viku og étið skyndi­­bita­mat á borð við pizzur, bingó­­kúlur og bragðaref.

„Með bjúgaða fingur og þjakaða sál var mánu­­dagur eins og að ganga með gap­a­stokk. Þessi á­­kvörðun var tekin því á­­fengis­­drykkja ein­fald­­lega passaði ekki inn í lífs­­stílinn,“ segir Ragga nagli og bætir við að hún skemmti sér jafn vel og betur án á­­fengis. Í dag yfir­­­gefur hún hins vegar skemmti­­staðina um klukkan eitt eftir mið­­nætti.

„Góður vinur sagði eitt sinn: „Eftir eitt, gerist ekki neitt“. Alla vega ekki neitt sem er mann­bætandi eða upp­­byggi­­legt.“

Svona lítur líf án áfengis út

Hún segir nánast undan­­tekningar­­laust sé borin virðing fyrir þessari á­­kvörðun og enginn sem reyni að fá hana til að drekka líka.

„Það eru helst Danirnir sem skilja ekki þegar bjór er af­þakkaður. Það er eins og að hafna súr­efni í þeirra augum. Líf án á­­fengis er sparnaður bæði í and­­legum og materíalískum skilningi,“ segir Ragga nagli og bætir við:

„Sparnaður á hita­einingum
Sparnaður á peningum.
Sparnaður á kvíða.
Sparnaður á móral.
Sparnaður á sam­visku­biti…. djamm­visku­biti
Sparnaður á timbur­­mönnum.

Líf án á­­fengis er gróði í öllum skilningi.“

Ofan á þennan lista bætist að hafa fulla stjórn á hvað er sagt, við hvern og hve­­nær. Þá sé hún laus við timbur­­menn daginn eftir. Þá sé líkam­­leg heilsa betri og auð­velt að mæta í ræktina.

„Skýrari hugur. Meiri tími og orka í að gera eitt­hvað upp­­byggi­­legt sem áður fór í sjón­­varps­­gláp með mönnum timburs. Meira frelsi og rými til að gera aðra hluti Sjálfs­­traustið eykst því þú hefur enga hækju til að þora að tala við fólk eða vera þú sjálfur,“ segir Ragga nagli og bætir við að lokum:

„Líf án á­­fengis klæðir Naglann mjög vel en það er ekki þar með sagt að allir eigi að skrúfa tappann á og ganga í stúku. Það finnur hver sinn takt í þessu lífi. Taktur Naglans er og verður að dansa ó­­­drukkin við gargandi grað­hesta­rokk.“