Ei­ríkur æfur yfir verði á burðar­pokum og birtir kvittun: „Þetta er sví­virði­legt okur“

Bloggarinn Ei­ríkur Jóns­son er allt annað en sáttur með hvað Nettó rukkar neyt­endur fyrir burðar­poka en verðið hefur hækkað á síðustu dögum. +

„Plast­burðar­poki er kominn í 60 krónur í Nettó. Innan við ár er liðið frá því að við sögðum frá því að burðar­pokinn væri kominn í 50 krónur í Nettó.

Þetta er sví­virði­legt okur, því pokinn kostar um 8 krónur í inn­kaupum. Á­lagningin er mörg hundruð prósent,“ skrifar Ei­ríkur.

„Án vafa eru hinar mat­vöru­búðirnar líka búnar að hækka verðið á burðar­pokunum. Allt er það gert undir því yfir­skini að verið sé að vernda um­hverfið og lofts­lagið og verð­lagningin sé til að fæla fólk frá því að kaupa alltaf nýja og nýja poka. Í staðinn eigi fólk að koma með marg­nota poka – þó svo að rann­sóknir hafi sýnt að þeir menga um­hverfið marg­falt á við plast­pokana. Þar að auki eru plast­pokarnir marg­nota, ýmist undir endur­tekin inn­kaup eða heimilis­ruslið.

Auð­vitað er þetta um­hverfis­tal um pokana ekkert annað en þvættingur til að rétt­læta okrið, því að stór hluti alls þess sem verslanirnar selja okkur er pakkað inn í plast sem er 100% ein­nota,“ bætir Ei­ríkur við.