Ein­stak­lingur smitaður af berklum hér­lendis- „Þetta er bara business as usu­al“

Már Kristjáns­son, yfir­læknir á smit­sjúk­dóma­deild Land­spítalans segir í sam­tali við Frétta­blaðið að berkla­smit hér­lendis sé stormur í vatns­glasi og ekkert til þess að hafa á­hyggjur af.
Ein­stak­lingur greindist með berkla á Land­spítalanum fyrir helgi en situr nú í ein­angrun, þó ekki á Land­spítalanum.
Ein­stak­lingurinn greindist með fjöl­ó­næma berkla, sem þýðir að þeir séu ó­næmari fyrir fleiri lyfjum en venju­legir berklar.
Már segir þó nokkur berkla­smit greinast hér­lendis á hverju ári, oftast eru þeir ein­staklingar sem greinast að ferðast frá ríkjum „þar sem heil­brigðis­kerfin eru í molum,“ eins og Már orðaði það. „Svo lendir þetta kannski í ein­hverjum hér­lendis og þá fylgjumst við með,“ segir Már. Hann segir ein­stak­linginn ekki vera al­var­lega veikan.