Haraldur Ingi Þorleifsson, stofnandi hönnunarfyrirtækisins Ueno og einn ríkasti maður Íslands býðst til þess að borga lögfræðikostnað fyrir alla þá sem Ingó Veðurguð hefur stefnt.
Þetta tilkynnir hann á Twitter síðu sinni nú í kvöld. Ueno var einmitt selt til bandaríska samfélagsmiðlarisans fyrr á þessu ári og er Haraldur vel efnaður.
Sjá einnig: Ingó fer í hart og kærir: Fimm fá kröfubréf
Hann hefur til að mynda vakið mikla athygli fyrir verkefnið Römpum upp Reykjavík, þar sem römpum fyrir hjólastóla hefur verið komið fyrir fyrir utan hundruð verslana í miðbæ Reykjavíkur.
Eins og alþjóð veit tilkynnti Vilhjálmur H. Vilhjálmsson, lögmaður Ingós Veðurguðs fyrr í kvöld að þeim konum sem standa að baki 32 sögur af meintu kynferðisofbeldi tónlistarmannsins verði kærðar. Þá fá fimm til viðbótar kröfubréf.
Ég skal borga lögfræðikostnað fyrir alla sem þurfa í þessu máli. Ef þið þekkið fólk sem þarf hjálp sendið þau endilega til mín. https://t.co/DqwN8rIM6w
— Halli (@iamharaldur) July 13, 2021
