Óútskýrt mistur hefur verið yfir höfuðborgnni og víða um land í vikunni sem hvorki verður rakið til eldgossins í Geldingadölum né foks frá söndum hér á landi eða svifryks.
Fréttablaðiðbirti hins vegar nýverið færslu Einars Sveinbjörnssonar, veðurfræðings í dag þar em hann telur sig hafa leyst gátuna.
Upphaflega taldi hann mistrið vera gamall reykur eða iðnaðarmistur komið austan úr álfum. Snemma á sunnudag rigndi ágætlega með bakka sem gekk norður yfir vestanvert. Við það hreinsaðist loftið að mestu.
„Alveg frá því að stytti upp hefur lagskipting loftsins yfir landinu verið mjög áberandi, ekki síst suðvestanlands þar sem við fáum háloftamælingar á 6 klst fresti. Frá því á hádegi á sunnudag hefur verið áberandi hitahvarf í 700-1.500 m hæð lengst af,“ skrifar Einar í færslu sinni. ð.
Þá er jafnframt hægur vindur af breytilegri átt. Gosmóðan hefur risið upp undir hitahvörfin og borist í ýmsar áttir þessa daga og svælist aftur til jarðar að sögn Einars.
„Ekkert hefur rignt og gosmóðan hefur því borist fram og til baka eftir því hvernig blæs og í raun safnast upp í neðsta loftlaginu og valdið þessu bláhvíta mistrinu sem dregur verulega úr skyggni,“ segir Einar.
„Hér og þar hefur brennisteinstvíoxíðið sem komið er í gosinu mælst markvert en ekki þó ekki lengi á hverjum stað. Einn skýrast í Hvalfirði síðdegis í gær fimmtudag.
Jóhann Ingi Sigtryggsson flugmaður í innanlandsflugi Icelalandair sendi mér áhugaverðar myndir sem teknar voru síðdegis á miðvikudag (28. apríl). Sú sem hér sést er með sýn til suðausturs þar sem glittir í Þingvallavatn fyrir miðri mynd. Hún er tekin í 8000 fetum eða í um 2.500 m hæð. Skilin sjást vel og Jóhann sagði að þau hefðu verið mjög glögg þ.e. við hitahvarfið sem líka má kalla lok.“
Einar segir að lokum að ofan þessara skila hefði verið eins tært og það best getur orðið.
„Nú er bar að bíða eftir næstu rigningu, nú eða að sterkari vindar blási gosmóðunni á haf út,“ segir Einar að lokum
