Einar Örn Jónsson, íþróttafréttamaður RÚV sem er nú staddur í Búdapest vegna Evrópumótsins í handbolta, er laus úr einangrun eftir að hafa smitast af Covid-19 veirunni. Frá þessu greinir Einar Örn í færslu á samfélagsmiðlinum Twitter í morgun.
Niðurstaða úr PCR-prófi Einars á föstudeginum í síðustu viku reyndist jákvæð en nú á þriðjudegi er hann laus úr prísundinni eftir að niðurstöður úr hraðprófi reyndust neikvæðar.
„Bæng! Laus úr prísundinni!“ skrifar Einar á Twitter.
Tómas Þór Þórðarsson, íþróttafréttamaður, skrifar undir hjá Einari og biður hann um að gefa leikmönnum prófið.
„Þú ert æði en geturðu látið Aron eða Elliða frá prófið þitt?“ skrifar Tómas.
„Er að photoshoppa, ekki trufla,“ skrifar Einar í lettu gríni.
Netverjar fagna endurkomu Einars og segja margir að þetta sé góðs viti fyrir leikinn á eftir.
