Rithöfundurinn Einar Kárason fer hörðum orðum um tvo vini sína sem hafa ákveðið að kaupa sér tengiltvinn bíla en hann vill meina það sé bara vegna ákvörðunnar stjórnvalda að fella niður gjöld, skatta og tolla á slík ökutæki.
„Hef nýlega hitt tvo gamla vini sem vegna starfa og áhugamála fara mikið um landið. Hér í borginni fara þeir um á litlum bílum en hafa jeppa fyrir þjóðvegina. Báðir hafa nýlega endurnýjað jeppana, og þá fengið „hybrid“ (tengiltvinn?) sem merkir að það er komið batterí upp á hálft tonn í ökutækið, ásamt þungum rafbúnaði öðrum, en minni hefðbundinni vél á móti,“ skrifar Einar á Facebook.
„Báðir segja þeir rafmagnið duga upp í Mosfellsbæ, en þá taki hitt við, með meiri eldsneytiseyðslu, vegna nýja þungans og einnig minni vélar sem þarf að djöflast í lágu gírunum,“ bætir Einar við áður en spyr spurningu sem svarar síðan sjálfur.
„Ég spyr: Hvers vegna eruð þið að kaupa þetta helvíti? Jú, það er vegna þess að stjórnvöld, í nafni umhverfisverndar og grænna kosta, hafa fellt niður gjöld, skatta og tolla á nýja gagnslausa draslinu.“
