Einar fer í við­ræður með sitjandi meiri­hluta | Dagur mjög á­nægður og bjartsýnn á framtíðina

Einar Þor­steins­son, odd­viti Fram­sóknar­flokksins í Reykja­vík, boðaði til blaða­manna­fundar í Grósku í dag á­samt odd­vitum Sam­­fylk­ing­ar, Pírata og Við­reisn­ar.

Fram­sóknar­flokkurinn til­kynnti í dag form­legar við­ræður um myndun meiri­hluta í borgar­stjórn með „banda­lags­flokkunum“

Sam­kvæmtbeinni lýsingu mbl.is fékk Fram­sókn fullt um­boð til að ganga til við­ræðna frá gras­rótinni í gær.

Dóra Björt Guð­jóns­dóttir odd­viti Pírata hefur fulla trú á að við­ræðurnar gangi vel og er spennt fyrir næstu dögum.

Þór­dís Lóa í Við­reisn er sátt og á­nægð með að við­ræðurnar séu komnar af stað.

Dagur B. Eggerts­son, sitjandi borgar­stjóri, segir að þreifingarnar milli flokka hafi tekið langan tíman vegna þess að pólitíska lands­lagið er flókið um þessar mundir.

Hann er engu að síður mjög á­nægður og bjart­sýnn og hlakkar til þess að verja næstu dögum með odd­vitum flokkanna.

Hann var spurður um hvort það komi til að greina að hann verði ekki á­fram borgar­stjóra en hann svaraði því ekki. Hann sagði mál­efnin verða rædd fyrst svo verka­skiptingin.