Einar: „Hér uppí Heið­mörk mætti ég þessu ó­geði“

„Ég skora á sveitar­fé­lög landsins að hætta að bjóða upp á þetta fals öryggi,“ segir Einar Bárðar­son, al­manna­tengill og þúsund­þjala­smiður, á Face­book-síðu sinni.

Einar birti mynd af rusla­tunni sem varð á vegi hans í Heið­mörk – úti­vistar­para­dís höfuð­borgar­búa – í gær­morgun en ó­hætt er að segja að ó­fögur sjón hafi blasað við honum. Þar hafði botninn dottið úr grænni rusla­tunnu með þeim af­leiðingum að rusl var á víð og dreif um þetta fal­lega svæði. Einar hvetur sveitar­fé­lög landsins til að hætta að nota um­ræddar tunnur.

„Er þetta ekki komið fínt af þessum grænu gagns­lausu tunnum. Hér upp í Heið­mörk mætti ég þessu ó­geði í morgun. Hér eru engir ung­lingar að sparka í þetta þannig að hér fellur kenningin um að okkar góða unga fólk beri ein­hverja á­byrgð á subbu­skapnum af þessu. Ég týndi þetta vitan­lega upp en það hættu­legasta sem þarna var sást útum allt í náttúrunni, það var plastið. Sem ég þó reyndi að ná, alla­vega því sem ég sá.“

Einar segir að hann hafi týnt poka sem inni­héldu hunda­skít, sígarettur, ára­móta­sprengjur og alls­konar annað dót sem aðrir höfðu væntan­lega lagt á sig til að týna upp til að halda um­hverfinu fínu. „Þannig hafa nú tveir aðilar hirt upp þetta rusl með góðum huga til að hlífa náttúrunni og öðrum.“

Einar hvetur sveitar­fé­lög landsins til að skipta um­ræddum tunnum út fyrir rusla­tunnur sem gera það sem til þeirra er ætlast.

„Þetta er drasl sem er ó­nýtt og ef botninn dettur ekki úr þessu þá týnir mávurinn ruslið upp úr tunnunni og dreifir um allt. Lifum í á­byrgð en ekki í rusli!“

Myndirnar sem Einar birtir má sjá í færslunni hér að neðan. Annars vegar má sjá aðkomuna eins og hún blasti við Einari og svo eftir að hann tók til hendinni.