Egill Helgason er afar stoltur af syni sínum um þessar mundir eftir frábæra umsögn frá engum öðrum en Agli Ólafssyni. Kári Egilsson gaf út á dögunum plötuna Áfram til stjarnanna og hefur hún fengið mikið lof.
Kári Egilsson er ungur íslenskur músíkant, sem ég hef áður heyrt spila listavel á sitt djassaða „klavier – en nýlega gaf hann út, á Spotify, nýja músík með eigin lögum og textum. Útgáfan nefnist „Palm Trees In The Snow“ en, þar kveður við annan og óvæntan tón. Hér birtist Kári ekki aðeins sem lagasmiður og textahöfundur, heldur einnig sem söngvari. Stíllinn á lögunum er stundum létt – poppaður, með hip hop hryni og á stundum má greina létt áhrif frá djassi og milli-músík,“ skrifar Egill Ólafsson í gagnrýni sinni sem Egill Helgason deilir.
„Lagasmíðarnar eru margar hverjar mjög fínar og minna um sumt á eldri tónsmiði eins og; Jimmy Webb og Bacharach og á stundum má greina áhrif frá Gunnari Þórðarsyni. Þetta er sagt unga tónskáldinu til hróss - ekki ónýtt að fara í smiðju til snillinga og gera það vel og fallega. Þetta á til dæmis við um eitt af bestu lögum safnsins, að mínu mati; "Something Better“
„Textar Kára, eru yfirleitt mjög fínir og engu líkara en þar fari mun eldri maður en Kári – en ungir menn taka út þroska með öðrum hætti í dag en mín kynslóð gerði og er það vel. Þessi útgáfa sannar fyrir mér fjölbreytta hæfileika Kára, sem kunnáttumanns í lagasmíð og textagerð. Sem söngvari tekst honum ekki alltaf jafn vel upp, en hann á það til að „glissa“ eða renna sér full mikið upp og niður að og frá tónunum, fyrir minn smekk, eins og t.a.m. ´´Moonbeam“. Annað lætur honum betur að syngja; "Something Better“ er til dæmis vel sungið hjá Kára. Áfram Kári – hér er að ferðinni lagasmiður sem vert er að gefa gaum. Um leið og ég mæli með því besta á "Palm Trees In The Snow“sem er vísbending um makalaust þroskað verklag – vil ég segja; til hamingju með þig Kári - áfram til stjarnanna!“ skrifar Egill Ólafsson.
