Sjónvarpsmaðurinn Egill Helgason er allt annað er sáttur með ofurlaun stjórnenda á Íslandi.
Hann deilir frétt Vísis þar sem Davíð Harðarson, stjórnarformaður Haga, segir það skyldu stjórnarinnar að tryggja hæfa stjórnendur og það geri þeir með því að bjóða samkeppnishæf laun.
„Samkeppnishæf við hvað?“ spyr Egill Helga á Facebook.
„Staðreyndin er sú að orðin er til makráð stjórnenda- og forstjórastétt sem passar gríðarlega vel upp á hagsmuni sína. Stéttarvitundin er hvergi meiri. Þetta fólk skipar hvað annað í stjórnir og stöður og passar upp á að kjörin batni stöðugt, langt úr takti við það sem gerist annars staðar í samfélagnu,“ heldur hann áfram.
„Reyndar hefur það gerst að stjórnmálamenn og æðstu stjórnendur hjá ríkinu bera sig saman við þennan hóp og hafa sótt launahækkanir í skjóli þess síðustu ár. Upplýsingar sem hafa birst undanfarið um ofurkjör stjórnendastéttarinnar hljóta að torvelda mikið kjarasamninga sem eru framundan. Við búum í örþjóðfélagi og það er út í hött að lítill hópur ofurlaunafólks slíti sig frá samfélaginu,“ skrifar Egill að lokum.
