Egill Einars­son: „Hel­víti ó­lík­legt að fólki hreyfi sig jafn mikið þessa dagana og það gerði“

Haf­rún Kristjáns­dóttir, sál­fræðingur og deildar­for­seti í­þrótta­fræði­deildar Há­skólans í Reykja­vík, vill meina að opnun eða lokun líkams­ræktar­stöðva skipti ekki endi­lega höfuð­máli þegar kemur að hreyfingu fólks.

Eins og kunnugt er munu líkams­ræktar­stöðvar ekki opna fyrr en í janúar í fyrsta lagi. Margir hafa gagn­rýnt þessa á­kvörðun Svan­dísar Svavars­dóttur heil­brigðis­ráð­herra, einkum eig­endur og starfs­menn líkams­ræktar­stöðva auk þeirra sem stunda reglu­lega líkams­rækt.

Haf­rún tjáir sig um þetta á Twitter undir færslu Haf­liða Breið­fjörð, fram­kvæmda­stjóra Fót­bolta.net. Haf­liði kveðst óttast að þessi lang­varandi lokun komi harka­lega niður á þjóðinni á nýju ári, blóð­tappar og heilsu­brestir vegna hreyfingar­leysis gæti orðið okkur dýr­keypt.

Haf­rún segir undir færslunni að búið sé að gera ýmsar rann­sóknir á hvaða á­hrif þetta hefur á hreyfingu, bæði hér­lendis og er­lendis.

„Niður­stöðurnar eru þær að hreyfing hjá þeim sem hreyfa sig lítið jókst, hreyfing hjá þeim sem hreyfðu sig miðlungs mikið stóð í stað. Og hreyfing hjá þeim sem hreyfðu sig mest minnkaði að­eins. Sem­sagt sam­kvæmt rann­sóknum eru á­hyggjur þínar ó­þarfar. Þetta kann að hafa breyst núna síðast­liðna 2 mánuði. En þetta segja gögnin.“

Egill Einars­son, einka­þjálfari og fjöl­miðla­maður, gefur lítið fyrir þessi orð Haf­rúnar og segir: „Allt þetta fólk sem hreyfði sig nokkrum sinnum í viku í ræktinni, hópa­tímum, hjóla­tímum, spinning, cross­fit, boot­camp os­frv eru þau öll í úti­æfingum í -11 gráðum og hálku? Eða skoppandi heima á stofu­gólfinu? Link á þessa rann­sókn takk.“

Egill segir nær úti­lokað annað en að rann­sóknin hafi verið gerð þegar fyrsta bylgja far­aldursins reið hér yfir, í mars og apríl, þegar margir sóttu í hreyfingu utan­dyra eða heima hjá sér. „Það er hel­víti ó­lík­legt að fólki hreyfi sig jafn mikið þessa dagana og það gerði.“

Haf­rún svarar og segir að þó að sumir hafi minnkað hreyfingu sé erfitt að al­hæfa um heildina. Þá bendir hún að þetta hafi mögu­lega breyst síðustu tvo mánuði. Hún birtir svo tengil á rann­sóknina sem, eins og Egill bendir á, var fram­kvæmd á fyrri hluta ársins. Um þúsund Ís­lendingar tóku þátt í henni og var saman­dregin niður­staða þannig að lokanir höfðu ekki á­hrif á hreyfingu fólks.

Haf­rún tekur þó fram að hún myndi gjarnan vilja að líkams­ræktar­stöðvar myndu opna á nýjan leik.