Egill Helgason, segir hóp fólks í miðbænum sem kvartar yfir hávaða ekki tala fyrir sína hönd.
Í gær greindu fjölmiðlar frá því að Íbúasamtök Miðborgar Reykjavíkur hefðu staðið fyrir málþinginu: „Hvernig gengur sambýlið við næturlífið?“
„Íslendingar geta ekki skemmt sér nema æpa hver á annan, þau tala ekki saman eins og aðra þjóðir. Þannig það getur verið mikill hávaði af fólkinu úti,“ sagði Benóný Ægisson, einn þessara íbúa við Fréttablaðið.
Fjölmiðlamaðurinn Egill Helgason er á öðru máli.
„Ég bý í Miðbænum, ætla ekki að flytja þaðan, segi alveg eins og er - þessi samtök tala ekki fyrir mína hönd.“ skrifar hann á Facebook.
Margir taka undir með Agli, eins og varaþingmaðurinn og rithöfundurinn, Guðmundur Andri Thorsson.
„Amma á Akureyri bjó við Ráðhústorgið þar sem var alltaf hávaði, ekki síst um helgar þegar Sjallinn hafði lokað, og alveg séstaklega var glatt á hjalla þegar Örlygur var í bænum. Þegar hún kom til okkar í Karfavoginn gat hún ekkert sofið fyrir þögninni.“
