Ástráður Haraldsson settur ríkissáttasemjari í deilu Eflingar og Samtaka hefur lagt fram nýja miðlunartillögu í deilunni.
Þetta kom fram í máli Ástráðs á blaðamannafundi í Karphúsinu fyrr í dag.
„Ég hef ákveðið að leggja fram nýja miðlunartillögu í deilu SA og Eflingar,“ sagði Ástráður og að hún kæmi í stað þeirra r sem lögð var fram 28. janúar.
Tillagan fer til atkvæðagreiðslu hjá SA og Eflingu og fer fram rafræn atkvæðagreiðsla sem hefst á föstudag klukkan 12 og lýkur miðvikudaginn 8. mars og eiga niðurstöður að liggja fyrir snemma eftir það.
Deiluaðilar hafa samþykkt að fresta öllum verkföllum og vinnustöðvunum þar til atkvæðagreiðslu er lokið og niðurstaða liggur fyrir.
„Þetta hefur verið erfið deila og reynt á þolgæði deilenda með ýmsum hætti,“ sagði Ástráður og þakkaði þeim fyrir tilraunir til að leysa deiluna. Hann sagði þau hafa gert með sér samkomulag sem sé ekki hluti af tillögunni en varðar samskipti þeirra og lauk þeim í gær. Hann sagði það forsendur þess að honum væri mögulegt að leggja fram þessa tillögu.
Ástráður segir að miðlunartillagan segir að hún sé svipuð þeirri sem lögð var fram í janúar og er gert ráð fyrir fullri afturvirkni en eitt atriði er að sögn Ástráðs öðruvísi frá SGS samningi og það er breyting á starfsheiti starfsfólks á gistihúsum og breyting á röðun á launaflokki hvað þau varðar. En annars er sama samkomulag og gert var ráð fyrir og í SGS samningi.
Spurður hvað hafi orðið til þess að deiluaðilar hafi sæst á þessa tillögu sagði Ástráður að lífið væri þannig að hlutir taki breytingum og þróist. Hann segir að það hafi skipt miklu máli að deiluaðilar hafi náð samkomulagi um ýmsa hluti í þeirra umhverfi sem sé ekki hluti af miðlunartillögunni eða verksviði sáttasemjara. Þau hafi náð samkomulagi um það í gær.
Hann segist ekki vita um þeirra afstöðu til tillögunnar en að í lögum sé ákvæði um kynningu á vegum sáttasemjara og að ekki sé gert ráð fyrir því að deiluaðilar setji svo fram yfirlýsingar í kjölfarið um eitthvað annað.
„Þeim er sem sagt bannað að afflytja tillöguna. Það er lögbundið,“ sagði Ástráður og að hann hafi ekki gengið á þau um þeirra afstöðu.
