„Ef ég er ekki til staðar fyrir þá sem þurfa hjálp, hver verður þá til staðar fyrir mig þegar ég þarf hana?“

Kristjón Kormákur Guðjónsson skrifar

7. mars 2020 kl. 15:41

Fréttir & pistlar

Nýtt framboð VG var kynnt á Hótel Héraði á Egilsstöðum í gær með ráðherrum og þingmönnum VG. Íbúar á Fljótsdalshéraði, Seyðisfirði, Borgarfirði eystri og Djúpavogshreppi gera upp hug sinn um hvað kjósa skal í sveitarstjórnarkosningum 18. apríl þegar þessi sveitarfélög verða sameinuð. Í tilkynningu frá Vinstri grænum segir:

„VG býður fram lista undir merkjum hreyfingarinnar og af því erum við mjög stolt. Mikilvægt er að sameiningin takist vel og að íbúarnir skynji sveitarfélagið strax sem eina heild. Við viljum samt að hvert byggðarlag fyrir sig, haldi áfram að njóta sérstöðu og eflast á grunni bættrar þjónustu í nýju sveitarfélagi.“

Framboðslisti VG er skipaður einstaklingum vítt og breitt úr sveitarfélaginu.

Þá segir einnig í tilkynningunni:

„VG mun beita sér gegn áformum um að spilla síðustu lítt snortnu víðernum á hálendi Austurlands og viljum við standa vörð um framtíð íbúa og náttúru á svæðinu.“

Jódís Skúladóttir leiðir listann en hún er lögfræðingur og einnig formaður stjórnar félagsins Hinsegin Austurland, sem var stofnað 28. desember síðastliðinn. Félagið gengur út á að búa til vettvang fyrir hinsegin fólk, aðstandendur þeirra og velunnara á Austurlandi og vinna að jöfnuði fyrir og stuðningi við hinsegin fólk. Í viðtali við Fréttablaðið fyrr á árinu kom fram að Jódís er frá Egilsstöðum og þá er hún fjögurra barna móðir og starfar sem lögfræðingur hjá stjórnsýslustofnuninni Austurbrú.

„Ég hef unnið svolítið að mannúðarmálum og líka mikið með börnum, en ég sérhæfði mig í loftslagsmálum og vann um tíma hjá Umhverfisstofnun. Ég brenn fyrir jafnrétti og almenn mann-réttindi og tók mjög virkan þátt í starf i Samtakanna upp úr aldamótum. Það er aðallega vegna þess að í ýmsum hlutverkum sem ég hef verið í í lífinu, til dæmis sem kona, lesbía og ung móðir, hef ég fundið gríðarlega fyrir óréttlæti og ójafnvægi í samfélaginu. Bæði félagslega og ekki síst innan stjórnsýslunnar. Þó að við stöndum vissulega framarlega í þessum málefnum á Íslandi eru ýmiss konar atriði ekki í lagi og það eru aðrir hópar hinsegin fólks en hommar og lesbíur sem eru í mun lakari stöðu, t.d. transfólk og intersex fólk. Ég vil vinna að jafnréttismálum vegna þess að mín hugsun er þessi;

„Ef ég er ekki til staðar fyrir þá sem þurfa hjálp, hver verður þá til staðar fyrir mig þegar ég þarf hana?“

Eftirtaldir skipa listann: